ДУШАНБЕ, 26 июл — Sputnik. Тибқи иттилои дафтари матбуотиВазорати умури дохилӣ муноқиша 25-уми июл соли 2018, тахминан соати 19:10-дақиқа миёни зани 47-сола ва бародари ҳамсараш рух додааст.
"Марди 48-сола бо ҳамсари бародараш муноқиша намуда, бо корд як маротиба ба тахтапушти зан зарба задааст. Дар натиҷа, ҷабрдида ҷароҳати вазнини ҷисмонӣ бардошта, дар беморхона ба ҳалокат расидааст", — иттилоъ медиҳад ВУД.
Манбаъ афзуд, ки феълан муттаҳам дар ин ҷиноят дастгир шуда, тафтиши парвандаи ҷиноӣ алайҳаш идома дорад.
