ДУШАНБЕ, 3 май— Sputnik. Вазири фарҳанги Тоҷикистон Шамсиддин Орумбекзода бо сафири Олмон дар Душанбе Найтхарт Хёфер-Виссинг дидору мулоқот кардаааст, хабар емдиҳад равобити умумии Вазорат.
Гуфта мешавад, ки дар ин дидор вазири фарҳанг ба ҷаноби Найтхарт Хёфер-Виссинг, ки ба тозагӣ сафири Олмон дар Душанбе таъйин гардида буд, оид ба фаъолияти соҳаҳои асосии Вазорати фарҳанг маълумот додааст.
"Ҷонибҳо оид ба таҳкими робитаҳои фарҳангии Тоҷикистону Олмон, ба роҳ мондани ҳамкориҳо бо муассисаҳои таълимии зерсохтори вазорат, ташкили барномаҳо ва намоишҳои муштараки фарҳангӣ суҳбат намуданд", — омадааст дар хабарнома.
Ҷаноби Найтхарт Хёфер- Виссинг гуфтааст, ки табиати зебо ва манзараҳои нотакрори Тоҷикистон метавонад таваҷҷӯҳи сайёҳони олмониро ба худ ҷалб намояд.
"Барои ин ташкили чорабиниҳои сайёҳӣ дар ҳавзаи Роҳи бузурги Абрешим ба манфиати кор хоҳад буд"-, гуфтааст ӯ.
Пештар хабар дода шуд, ки гардишгарони амрикоӣ ва урупоӣ бо чор қатора тариқи "Роҳи Абрешим" ба Тоҷикистон хоҳанд омад.
