ДУШАНБЕ, 30 мар — Sputnik. Сокинони Тоҷикистонро субҳи имрӯз се маротиба ларзиши замин такон дод. Дар ин бора Маркази заминларзашиносии Тоҷикистон хабар медиҳад.
"Имрӯз, 30 март дар Тоҷикистон се зилзила сабт карда шуд",- омадааст дар иттилои марказ.
Аввалин ҳодисаи заминҷунбӣ 30 март, соати 03:54 рух додааст, ки конуни он 101 километрии шимолу шарқии Душанбе ва 17 километрии шаҳри Роғун будааст.
Аз ин зилзила ҳамчунин Маркази заминларзашиносии Урупо дар дарёи миёназамин низ хабар додааст.
M5.7 #earthquake strikes 101 km E of #Dushanbe (#Tajikistan) 9 min ago. Effects reported by witnesses: pic.twitter.com/0pnP7aGaNX
— EMSC (@LastQuake) 29 марта 2018 г.
Дар Роғун шиддати ларзиши замин 4 баллро ташкил додааст. Қувваи заминларзаро коршиносон дар Душанбе 2-3 балл гуфтаанд.
Заминҷунбии дуввум соати 4:24 бо қувваи 4 балл дар ҳамон конун рух дод. Дар Роғун шиддат заминларза 3 балл буд.
Заминларзаи севум соати 7:10 субҳ рух дод, ки конои он 101 километрии шимолу шарқии Душанбе ва 17 километрии шаҳри Роғун аст. Дар Роғун шиддати зилзила 3 баллро ташкил дод.
Бино бар иттилои КҲФ Тоҷикистон, ин заминларза хисороти ҷонию молӣ дар пай надоштааст.
