ДУШАНБЕ, 21 фев— Sputnik. Ба гузориши хадамоти матбуотии раисҷумҳур, бинои мазкур аз се қисм, қисмати А, Б ва В иборат буда, дорои таҳхона ва 12 ошёна мебошад.
Дар сохтмони иншооти мазкур 54 миллион сомонӣ сарф шуда, бинои истиқоматӣ тибқи талаботи меъмориву шаҳрсозӣ бунёд шудааст.
Фармоишгари бинои мазкур Дирексияи сохтмонии иншооти ҳукуматии дастгоҳи раисҷумҳур буда, корҳои сохтмониро коргарону мутахассисони Корхонаи воҳиди таъмиру сохтмони идораи дастгоҳи раисҷумҳур дар муҳлати пешбинишуда, бо сифати баланд сохта ба анҷом расониданд.
Тарҳи сохтмони иншооти мазкур аз ҷониби Ҷамъияти Саҳҳомии Кушодаи "Пажӯҳишгоҳи илмӣ ва лоиҳакашиву ҷустуҷӯии САНИИОСП" омода шудааст.
Эмомалӣ Раҳмон зимни ошноӣ бо шароити бино ва сифати корҳои анҷомшуда баҳои баланд дода ва аз сокинони хуштолеъ — кормандони ниҳодҳои гуногуни давлатӣ даъват кардааст, ки ба ватан — модар содиқона хизмат намоянд.
Манзилҳои истиқоматӣ дар маҷмуъ ба кормандони дастгоҳи раисҷумҳур, сохторҳои қудратии мамлакат, вазорату идораҳо ва Кумитаҳо тақдим карда шудааст.
