ДУШАНБЕ, 7 янв — Sputnik. Дар ин бора равобити умумии Вазорати фарҳанг хабар медиҳад.
Гуфта мешавад, ки рӯзи 29 декабри соли 2017 аз тарафи ҳунармандони ансамбли "Навои Бадахшон" ва маркази фарҳангӣ — фароғатии шаҳри Хоруғ барномаи ҷолиби консертии "Чароғаки солинавии шаҳри Хоруғ" баргузор гардидааст.
"Санаи 30 декабри соли 2017 аз ҷониби гурӯҳи номбурда барномаи дигари идона дар майдони Исмоили Сомонии шаҳри Хоруғ манзури сокинон ва меҳмонони шаҳр гардонида шуд", — омадааст дар хабарнома.
Аз ҷониби ҳунармандони театри вилоятӣ барои кӯдакон ва наврасони шаҳри Хоруғ барномаи солинавии "Шамолак" рӯи саҳна омадааст, ки он аз ҷониби тамошобинони хурдсол бо шавқу завқи беандоза пазироӣ гардидааст.
Ҳамчунин, хонандагон ва омӯзгорони мактаби санъати шаҳри Хоруғ низ чун тӯҳфаи идона барои кӯдакон ва наврасони шаҳр барномаи солинавии худро пешкаш намудаанд.
Гӯшаи китобҳо ва намоиши китобӣ, ки аз тарафи китобхонаҳои вилоятӣ ва шаҳри Хоруғ барои толибилмони мактабҳои шаҳри Хоруғ ба маъраз гузошта шуда будаанд.
