ДУШАНБЕ, 28 дек — Sputnik. Ба гузориши хадамоти матбуотии ҳукумати вилояти Суғд, маросими ифтитоҳи маҷмаъаи Нишони давлатии Ҷумҳурии Тоҷикистон дар шаҳри Бӯстон имрӯз бо ширкати раиси вилояти Суғд Абдураҳмон Қодирӣ баргузор шуд.
Нишони давлатии Ҷумҳурии Тоҷикистон бар милае ба баландои 18 метр дар майдони назди Қасри фарҳанги шаҳри Бӯстон афрохта шудааст.
"Барои навсозии ин майдон ва гузоштани Нишони давлатӣ 1,2 миллион сомонӣ сарф шудааст", — гуфта мешавад дар ин гузориш.
Тарҳи ин маҷмаъаро бунгоҳи тарроҳии "Лоиҳакаш" бо супориши шаҳрдории Бӯстон омода карда ва ширкати "Сомонзод" онро бунёд кардааст.
Ёдоварӣ мекунем, ки чанде пеш дар ин шаҳр корхонаи дорусозӣ низ ба баҳрабардорӣ расида буд. Ин корхонаро мудири ширкати "Фарм Суғд" Диловар Қувватзода бунёд карда ва дар маросими роҳандозии он раисҷумҳур Эмомалӣ Раҳмон ширкат карда буд.
