ДУШАНБЕ, 14 дек — Sputnik. Бино ба иттилоъи равобити умумии ВКД ҶТ, музояда рӯзи 23 декабр дар толори Раёсати БДА баргузор мешавад.
Ба таваҷҷуҳи соҳибони воситаҳои нақлиёт расонида мешавад, ки дар торихи 23 декабр соли 2017 аломатҳоии сабти давлатии силсилаи "ЕМ" — 01, "ВВ"-07 ва "АК" — 08 ба таври музояда фурӯхта мешаванд.
Музояда аз соати 10:00 дар толори Раёсати БДА оғоз мешавад.
"Нархи як лот 630 сомониро ташкил медиҳад", — омадааст дар иттилоъия.
Гуфта мешавад, ки қабули дархостҳо ва барасмиятдарории ҳуҷҷатҳо барои ширкат дар музояда се рӯз пеш аз гузаронидани музояда сурат мегирад.
Манбаъ меафзояд, ки хоҳишмандон бояд: нусхаи шиносномаи миллӣ, рақами мушаххаси андозсупоранда ва нусхаи ҳуҷҷатҳои ҳуқуқмуайянкунанда ба воситаи нақлиётро бо худ дошта бошанд.
Рақамҳои зебо дар сафҳаи ВКД нашр шудааст.
БДА пештар аломатҳои сабти давлатии силсилаи "ВВ" — 07 ва "ЕМ" — 01 —ро ба фурӯш гузошта буд.
