ДУШАНБЕ, 8 дек — Sputnik. Бунгоҳи хабариву родюи Sputnik Тоҷикистон барои хонандагонаш озмуни солинавӣ эълом мекунад.
Дар ин озмун ҳамаи сокинони шаҳри Душанбе метавонанд ширкат кунанд.
Шартҳои озмун сода ҳастанд: барои ширкат дар озмун шумо бояд сафҳаи Sputnik Тоҷикистон дар Facebookро пайгирӣ кунед ва зери ин хабар табрикоти солинавӣ нависед.
Барои беҳтарин табрикот хабаргузории Sputnik Тоҷикистон ҷоиза хоҳад дод.
Соли гузашта дар озмуни Sputnik Тоҷикистон ҳамванде пирӯз шуд, ки дар сафҳаи Facebookии Sputnik Тоҷикистон барои хешовандон ва ёру дӯстонаш беҳтарин табрикот ба муносибати Соли навро навишта буд. Қаҳрамонҳои озмун аз дасти Бобои барфии воқеъӣ дар маркази шаҳри Душанбе ҳадяҳояшонро гирифтанд.
Имсол Sputnik аз иштирокчиёни озмун хоҳиш дорад, ки на хешовандон, балки кормандони хабаргузории Sputnik Тоҷикистонро ба муносибати Соли нав табрик намоянд. Натиҷаи озмун ва номи қаҳрамонҳо рӯзи 25 декабр эълом мешавад. Барандаи озмунро тӯҳфа интизор аст.
