ДУШАНБЕ, 10 окт — Sputnik. Вазири дифоъи Русия артишбад Сергей Шойгу 11 октябр ба шаҳри Душанбе сафар мекунад.
Ба иттилоъи равобити умумии Вазорати дифоъи ҶТ, артишбад Шойгу дар нишасти Шурои вазирони дифоъи кишварҳои узви Иттиҳоди давлатҳои мустақил ширкат хоҳад кард, ки 12 октябр дар шаҳри Душанбе баргузор мешавад.
6 октябри 2017, 15:30
Вазирони дифоъи кишварҳои ҳамсуд дар ин нишаст масоили марбут ба таъмини амният дар марзҳои ҷанубии ин иттиҳодияро дар паи шиддат гирифтани буҳрони сиёсӣ ва низомӣ дар Афғонистон ва кишварҳои Ховари Наздикро баррасӣ хоҳанд кард.
Дар ин нишаст вазирони дифоъи Русия, Белорус, Қирғизистон, Қазоқистон, Туркманистон, Узбакистон, Озарбойҷон, Арманистон, Укроин ва Молдова ширкат хоҳанд кард.
