ДУШАНБЕ, 3 окт — Sputnik. Азим Иброҳим раванди омодасозии ноҳияҳои вилояти мухтори Кӯҳистони Бадахшон ба зимистонро нохушоянд арзёбӣ кард, гузориш медиҳад хабаргузории ТоҷикТА.
"Муовини нахуствазири ҶТ Азим Иброҳим дар ҷаласаи Ситоди омодасозии ноҳияҳои ВМКБ ба зимистон, ки дар шаҳри Хоруғ баргузор шуд, аз амалкарди ситодҳои вилоятӣ ва ноҳияҳо интиқод кард. Вай таъкид карда, ки ангишт ва хӯрок барои чорво камтар аз нақша захира шудааст", — гуфта мешавад дар гузориши ТоҷикТА.
Муовини нахуствазир ҳамчунин аз амалкарди кормандони идораҳои роҳдории вилоят низ интиқод карда, гуфтааст, ки то имрӯз онҳо танҳо 21 дарсад аз нақшаи пешбинишуда маводи сӯхт захира кардаанд.
Вай ҳамчунин гуфта шуда, ки дар ВМКБ барои зимистонгузаронии чорво хӯроки кофӣ захира нашуда ва дастур дода, ки то 15 октябр ин мушкил ҳалл шавад.
