ДУШАНБЕ, 3 окт — Sputnik. Раисҷумҳури Тоҷикистон дар паёме куштори шаҳрвандони амрикоӣ дар Лас-Вегасро ба хонаводаҳои кушташудагон ва Доналд Трамп таслият гуфт.
Дар паёме, ки дафтари иттилоърасонии раисҷумҳур матнашро мунташир кардааст, гуфта мешавад:
«Ҷаноби Олӣ,
Хабари мудҳиши ҳалокат ва ҷароҳати вазнин бардоштани теъдоди зиёди шаҳрвандонро бар асари амали золимона дар шаҳри Лас-Вегаси Иёлоти Муттаҳидаи Америка бо андӯҳи бузург дарёфтам.
Ҳамдардиву тасаллияти амиқи хешро ба наздикони фавтидагон изҳор менамоям ва хоҳони шифои комили ҳамаи осебдидагон ҳастам».
