ДУШАНБЕ, 3 окт — Sputnik. Владимир Путин дар ин паём ҳамчунин гуфтааст: "Ҷинояте, ки ҷони даҳҳо тан аз шаҳрвандонро гирифт, бисёр такондиҳанда буд".
Раисҷумҳури Русия бо ибрози ҳамдардӣ ва ҳимоят аз бастагону хонаводаҳои кушташудагон, ҳамчунин барои захмишудагон орзӯи беҳбудӣ кард.
Ёдоварӣ мекунем, ки ин тирандозӣ дирӯз дар ҷашнвораи мусиқие рух дод, ки дар Лас-Вегас баргузор мешуд. Дар ин тирандозӣ, бино бар охирин омор, 59 кас кушта ва беш аз 500 кас захмӣ шуданд.
Созмони теруристии "Давлати исломӣ" масъулияти ин кушторро бар уҳда гирифта буд, вале Пулиси федероли Амрико эълом кард, ки тирандоз ҳеч пайванде бо ДОИШ надоштааст.
