ВУД: Ҳафизов кӯдаки 8-соларо пахш кард. Ноболиғ ҳалок шуд

© Sputnik / Стас ЭтвешДорожные сигнальные конусы, архивное фото
Дорожные сигнальные конусы, архивное фото - Sputnik Тоҷикистон
Обуна шудан
Ронанда аз ӯҳдаи идораи нақлиёт набаромада, Муҳаммадҷони 8-соларо пахш кардааст, ки дар натиҷа ӯ дар бемористон вафот мекунад

ДУШАНБЕ, 19 сен — Sputnik.Вазорати умури дохилаи Тоҷикистон имрӯз хабар дод, ки рӯзи гузашта ронандае кӯдаки 8-солаеро бо худрави "Опел-Астра" пахш кардааст, ки дар натиҷа ноболиғ ба ҳалокат мерасад.

Бино бар иттилои манбаъ, ин ҳодиса 18-уми сентябри соли равон дар шоҳроҳи Душанбе-Панҷи поён дар ҳудуди ҷамоати деҳаи Ҳалевари ноҳияи Ҷалолуддини Балхӣ рух додааст.
Рронанда Маозиддин Ҳафизов ҳангоми ҳаракат дар роҳ аз ӯҳдаи идораи воситаи нақлиёт баромада натавониста, Муҳаммадҷон Ётимови 8-соларо, ки дар синфи 2 таҳсил мекардааст, пахш намудааст.

Дар натиҷа, ноболиғ ҷароҳати вазнини ҷисмонӣ бардошта, дар бемористон вафот мекунад.

ВУД мегӯяд, таҳқиқи ин ҳодиса давом дорад.

Лентаи хабарҳо
0