ДУШАНБЕ, 12 сен— Sputnik. Расонаҳои расмии Тоҷикистон аз ифтитоҳи бинои нави мактаб дар деҳаи Рухчи ҷамоати Савноб хабар медиҳад.
Гуфта мешавад, ки мактаб бо ташаббуси ВКД ва дастгирии молии соҳибкор — Нағзибек Нағзибеков бо сарфи зиёда аз 700 ҳазор сомонӣ бунёд гардидааст.
Бино дар рӯзҳои ҷашни 26-умин солгарди Истиқлоли Тоҷикистон ба истифода дода шудааст.
Ба иттилоъи манбаъ, дар маросими ифтитоҳи бинои нави таълимӣ раиси ноҳияи Рӯшон Имомназар Хоҷаназар, сардори раёсати маорифи вилоят Эраҷ Ҷонмирзоев ва муовини сардори раёсати ВКД дар ВМКБ Эраҷ Азизмамадов ширкат кардаанд.
Пештар хабар дода шуд, ки дар шаҳри Хоруғ коргоҳи иистеҳсолӣ бунёд ва ба истифода дода шуд.
Ин коргоҳ аз ҷониби соҳибкори маҳаллӣ Садрия Мародмамадова бунёд шудааст. Дар ин корхона меваю сабзавоти Бадахшон коркард мешавад.
Барои омода намудани маҳсулоти ниҳоӣ дар корхонаи "Mountain foods" аз маҳсулоти хоми маҳаллӣ истифода мешавад. Яке аз маҳсулоти ниҳоии корхона "Popato chips" мебошад.
