ДУШАНБЕ, 28 авг — Sputnik. Шавкат Мирзиёев рӯзи якшанбе ба мақбараи нахустин раисҷумҳури Узбакистон Ислом Каримов гулдаста гузошт.
Ба гузоришии Sputnik Узбакистон, "раисҷумҳури Узбакистон дар Самарқанд ҳузур дорад. Ӯ сафари кории худро аз зиёрати оромгоҳи Каримов оғоз кард".
Дар мақбараи асосгузори Узбакистони соҳибистиқлол, барои оромии рӯҳи ҷони Каримов дуо хонда шуд.
Ёдоварӣ мекунем, ки нахустин раисҷумҳури Узбакистон Ислом Каримов, ки роҳбарии давлатро аз соли 1990 то 2 сентябри соли 2016 бар дӯш дошт, дар синни 78 солагӣ аз олам даргузашт.
Ҳамакнун бо дарёфти 88,61% овоз дар интихоботи президентӣ Шавкат Мирзиёев раҳбари ҳукумати Узбакистон мебошад.
