ДУШАНБЕ, 13 авг-Sputnik. Бино ба итилоъи равобити умумии ВКД ҶТ, аз 7 август то 8 сентябр бахшида ба рӯзи Истиқлолияти давлатӣ дар варзишгоҳи марказии шаҳри Душанбе байни кормандони мақомоти шаҳри Душанбе ва ноҳияҳо сабқати футболи хурд гузаронида мешавад.
Дар ин мусобиқа варзишкорон барои дарёфти "Ҷоми шаҳрдорӣ" рақобат мекунанд.
Сабқат ба ҷашни истиқлолияти давлатӣ бахшида шудааст.
Манбаъ меафзояд, ки рӯзи 9 август даври аввали ин мусобиқа шурӯъ шуда, дар он дастаи "Динамо"-и Вазорати корҳои дохилӣ бо дастаи ҳокимияти иҷроияи маҳаллии ноҳияи Шоҳмансур байни ҳам бозӣ намуданд.
Дар натиҷа бозӣ 8:2 ба фоидаи бозингарони дастаи "Динамо" анҷом ёфт.
Дар ин мусобиқаи варзишӣ чаҳор гурӯҳ дар ҳайъати 40 даста бо ҳам сабқат менамоянд.
