Масъули "Тоҷиксуғурта" ба осебдидаҳо: бима надоред, кумак намегиред

© Фото : Штаб МЧС в Согдийской областиСелевой поток в Таджикистане
Селевой поток в Таджикистане - Sputnik Тоҷикистон
Обуна шудан
Муовини мудири “Тоҷиксуғурта” Абдулло Абдуллоев мегӯяд, аз ин пас ба аҳолии минтақаҳои осебдида аз балоҳои табиъӣ, ки биманома надоранд, ҷубронпулӣ пардохт нахоҳанд кард

ДУШАНБЕ, 7 авг — Sputnik. Бино ба иттилоъи расонаҳои тоҷикӣ ин нуктаро Абдулло Абдуллоев имрӯз, 7 август дар нишасти хабарӣ гуфтааст.

"Қаблан бо дастури раисҷумҳур мо новобаста аз доштани биманома, ба осбедидагон аз балоҳои табиъӣ ноҳияҳои Шуғнон, Рӯдакӣ, Тоҷикобод ва шаҳри Кӯлоб маблағ пардохт карда будем. Аммо ин маблағ баъди ба тасвиб расидани қонуни нав дар бораи суғурта дигар пардохт нахоҳад шуд", — гуфтааст Абдуллоев.

Фаъолияти Маркази байналмиллалии маркази матбӯъотии БРИКС ва СҲШ - Sputnik Тоҷикистон
Бонкҳои кишварҳои БРИКС бо $100 млрд худро суғурта карданд

Муъовини мудири "Тоҷиксуғурта" таъкид кард, ки аз ҳукумати ҷумҳурӣ низ дастур гирифтаанд, ки мувофиқи қонунгузорӣ аз ин пас ҷуброни хисорот ба касоне пардохт шавад, ки биманома доранд.

"Надошта бошад, дигар он супоришҳое, ки солҳои пешин шуд, ҳукумат ҳам намедиҳад. Барои он ки агар мо инхел кардан гирем мардум дигар суғурта намекунад. Худи қонунгузорӣ ҳам гуфтааст, ки агар шартнома набошад мо ҳуқуқи пардохт кардан надорем", — гуфтааст Абдуллоев.

Ба гуфтаи Абдуллоев, дар пайи як санҷиш муайян карданд, ки қисме аз хонаҳои осебдида аз балоҳои табиъӣ худсарона дар минтақои балохез бунёд шудаанд: “Кумитаи авзоъи изтирорӣ низ дар бораи ҷойҳои хатарнок огоҳ мекунад, ки хона насозед, аммо ба ин нигоҳ накарда дар ҳамон ҷойҳои хавфнок хона месозанд ва мо ба он хонаҳое, ки дар чунин минтақаҳо бунёд гаштаанд, қарордод намебандем”.

Дар мавриди онҳое, ки биманома доранд, Абдуллоев гуфт, дар нимсолаи аввали соли ҷорӣ ба 5878 шахсони хуқуқию воқеъӣ, ки молу амвол ва ҳаёту саломатиашон осеб дидаанд, ба маблағи 5 милюну 176 ҳазор сомонӣ бима пардохт кардаанд.

Лентаи хабарҳо
0