ДУШАНБЕ, 15 июл — Sputnik. Вазорати фарҳанги Тоҷикистон мегӯяд, ин маросимҳо ба 20-солагии Ваҳдати миллӣ ва ҷашни истиқлолият бахшида мешаванд
Бино бар иттилои манбаъ, имрӯз 18:00 дар Боғи "Ирам", Боғи "Парчами давлатӣ", Боғи "Рӯдакӣ", майдони 800-солагии Москва ва амфитеатри "Аҳорун" бо иштироки ҳунарпешагони ансамблҳои"Лола", "Базморо", раёсати фарҳанги шаҳри Душанбе ва бахшҳои фарҳанги ноҳияҳои Шоҳмансур ва Исмоили Сомонӣ барномаҳои консертии ҷолиб манзури тамошобинон мешаванд.
Рӯзи якшанбе, яъне 16 июли соли 2017 соати 18:00 дар Боғи "Дӯстӣ", Боғи "Рӯдакӣ, Боғи «Парчами давлатӣ» ва майдони 800-солагии Москва барномаҳои консертии навбатӣ манзури сокинон ва меҳмонони пойтахт хоҳад шуд. Ин навбат баҳри болидахотирии тамошобинон ҳунарпешаҳои ансамбли тарона ва рақси "Сомон", шаҳри Ҳисор, ноҳияҳои Фирдавсӣ ва Синои шаҳри Душанбе ҳунарнамоӣ мекунанд.
