ДУШАНБЕ, 28 июн — Sputnik. Имрӯз ҳайъате аз намояндаҳои ширкати чинии ТВЕА бо раиси шаҳри Душанбе Рустам Эмомалӣ дидору гуфтугӯ кард.
Равобити умумии шаҳрдории Душанбе хабар дода, ки дар ин мулоқот масъалаҳои рушду ҳамкории шаҳрдории Душанбе бо сохторҳои ин ширкат дар Тоҷикистон баррасӣ шудаанд.
Дар ин дидор таъкид шуда, ки саҳми ширкати ТВЕА дар таҳкиму густариши равобити Тоҷикистону Чин, бавижа дар бунёду роҳандозии созаҳои энергетикӣ назаррас аст. Чунончи, дар ҳамкорӣ бо ширкати "ТВЕА" дар Тоҷикистон занҷираи энергетикӣ бунёд гардида, интиқоли гармӣ ба маҳаллаҳои шаҳри Душанбе ба роҳ монда шудааст.
Ширкати ТВЕА дар сохтмони бунгоҳи гарморасонии барқии "Душанбе-2" ва бунёди мактаби таҳсилоти умумӣ бо 1200 ҷойи нишаст дар ноҳияи Сино сармоягузорӣ карда буд.
"Ширкат тасмим гирифт, ки дар ояндаи наздик дар пойтахти Тоҷикистон боз як муассисаи таҳсилоти умумӣ бунёд кунад", — гуфта мешавад дар хабар.
