Дар рӯзҳои истироҳатӣ дар роҳҳои Тоҷикистон ду наврас ба ҳалокат расиданд

© Torange / Гузариш ба медиабонкДорожный знак "Осторожно - дети"
Дорожный знак Осторожно - дети - Sputnik Тоҷикистон
Обуна шудан
Рӯзи якшанбе, 11-уми июн дар роҳҳои кишвар дар натиҷаи беэҳтиётии ронандагон ду ноболиғ ба ҳалокат расиданд

ДУШАНБЕ, 12 июн — Sputnik. Тавре Вазорати умури дохилаи Тоҷикистон иттилоъ медиҳад, 11-уми июни соли 2017, тахминан соати 11.40-дақиқа ронандаи автомашинаи тамғаи "Опел-Вектра", марди 27-солаи сокини ноҳияи Панҷ ҳангоми ҳаракат аз самти шаҳри Қӯрғонтеппа ба самти ноҳияи Панҷ, дар ҳудуди ноҳияи Балхӣ бехатарии ҳаракат дар роҳро таъмин карда натавониста, велосипедрони ноболиғ, писарбачаи 8-солаи сокини ноҳияи Ҷайҳунро пахш намудааст.

Мэр Душанбе Рустам Эмомали, архивное фото - Sputnik Тоҷикистон
Рустам Эмомалӣ дари марказҳои дилхуширо ба рӯйи наврасон баст

Дар натиҷа, писарбачаи ноболиғ ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.

Худи ҳамин рӯз, тахминан соати 18.00-дақиқа ронандаи автомашинаи тамғаи "Опел-Астра", марди 24-солаи сокини ноҳияи Файзобод ҳангоми ҳаракат аз самти деҳаи Таҳти-Алиф ба самти шаҳри Роғун духтарчаи 7-солаи сокини ҷамоати деҳоти Мискинободи ноҳияи Файзободро пахш намудааст.
Дар натиҷа, духтарчаи хурдсол ҷароҳати вазнини ҷисмонӣ бардошта, дар беморхона ба ҳалокат расидааст.

Тибқи ахбори манбаъ, таҳқиқи ҳодисаҳо идома дорад.

Лентаи хабарҳо
0