ДУШАНБЕ, 23 май — Sputnik. Дар вилояти Суғди нақшаи даъвати ҷавонон ба сафи Нерӯҳои Мусаллаҳ пурра иҷро шудааст.
Дар ин бора равобити умумии ҳукумати вилоят хабар медиҳад.
Тибқи иттилои манбаъ, ҷиҳати иҷрои ин фармон дар моҳҳои апрел — май даъвати муташаккилонаи ҷавонони довталаб ба сафи Нерӯҳои Мусаллаҳи кишвар сурат гирифта, нақшаи муайянгардида иҷро шудааст.
Даъваити баҳории ҷавонон дар кишвар тибқи қарори раисҷумҳур аз 14-уми март шуруъ шуд. Дар асоси фармони кишвардори Тоҷикистон моҳҳои апрел-майи соли 2017 дар Тоҷикистон шаҳрвандоне, ки то рӯзи даъват ба синни 18 мерасанд, инчунин шаҳрвандони синну солашон калон, ки ҳуқуқи ба таъхир андохтани муҳлати даъват ё озод будан аз даъват ба хидмати низомиро надоранд, барои хизмат ба сафҳои Нерӯҳои Мусаллаҳи Ҷумҳурии Тоҷикистон даъват карда мешаванд.
