ДУШАНБЕ, 26 апр — Sputnik. Човандозҳои тоҷик дар қаҳрамонии бузкашии ҷаҳон дар шаҳри Остона зӯрозмоӣ хоҳанд кард.
Ҷоизаи умумии ин мусобиқот 500 ҳазор дулор таъйин шуда аст. Барои ширкат дар ин мусобиқот бузкашҳои Тоҷикистон сабқати ҳазфӣ баргузор мекунанд ки 12 тан аз пирӯзшудагон дар онро барои намояндагӣ аз Тоҷикистон ба Қазоқистон хоҳанд фиристод.
Бузкашӣ яке аз варзишҳои суннатии мардумони Осиёи Марказӣ аст. Дар ин варзиш ва ё бозӣ саворон ва ё чуноне ки миёни ҳаводорони бузкашӣ маъмул аст, човандозон (ва ё чопандозон), рақобати диловаронаеро ба намоиш мегузоранд.
Дар ҳар кадоме аз кишварҳое, ки бузкашӣ он ҷо ривоҷ дорад — Тоҷикистон, Афғонистон, Қирғизистон, Узбакистон ва Туркманистон ин бозӣ вижагиҳои худро дорост.
Дар бархе аз навиштаҳои торихӣ ва ҷусторҳои пажӯҳишгарон гуфта шуда, ки бузкаширо ба Осиёи Марказӣ дар садаҳои 11 — 12 лашкари Чингизхон овардааст.
