ДУШАНБЕ, 4 мар — Sputnik.Низомиёни рус ва сарнишинон аз пойгоҳи низомии 201-ум ба минтақаҳои зарардидаи Вилояти Худмухтори Кӯҳистони Бадахшон кӯмаки иҷтимоӣ мерасонанд.
Қайд карда мешавад, ки хоҳиши расонидани кӯмаки иҷтимоӣ аз ҷониби Тоҷикистон расидааст.
Ҳамин тавр, низомиён ба ноҳияи Ванҷ ва Сағирдашт орд, равған, макарон ва дигар хӯрокворӣ интиқол доданд.
Мувофофиқи маълумоти Кумитаи ҳолатҳои фавқуллода ва мудофиаи шаҳрвандӣ, дар Тоҷикистон хатараи рехтани тарма то ҳол боқӣ мемонад. Аз санаи 28-уми январ то 25-уми феврал дар манотиқи гуногуни кишвар зиёда аз 100 тармаи калон рехта, 20 нафар зарар бардоштанд ва 4 нафари дигар бе ному нишон гум шуданд.
Сокинони маҳаллӣ қайд карданд, ки ин гуна ҳавои номусоид тайи 30 соли ахир бори аввал аст. Як қисми минтақаҳои Помир то ҳол ба нақлиёт дастрасӣ надоранд.
Пештар Русия барои осебдидагони ин офати табиӣ кӯмаки иҷтимоӣ равон карда буд.
