ДУШАНБЕ, 14 фев — Sputnik. Бино ба иттилои торномаи расмии Бонки миллии Тоҷикистон сатҳи таваррум дар давоми моҳи январи соли 2017 дар Тоҷикистон 0,6%-ро ташкил дод.
Нишондиҳандаҳои солона аз моҳи январи соли 2016 то ҳамин моҳи соли 2017 нишон медиҳанд, ки сатҳи таваррум дар Тоҷикистон дар сатҳи 5,3% қарор дорад.
Таварруми моҳи январ ба нархи маҳсулот дар Тоҷикистон таъсир расонид.
Дар соли равон Бонки миллии Тоҷикистон нақша дорад таваррумро дар сатҳи 7% нигоҳ дорад.
Қаблан хабар дода шуд, ки афзоиши сатҳи тавваррум дар бахши истеъмолии Тоҷикистон вобаста ба натиҷаи соли 2016-6,1 фоизро ташкил дод.
Дар давоми як сол нархи маҳсулоти ғизоӣ то 6,8% афзуда, барои маҳсулоти ғайриозуқаворӣ 5,7 фисадро ташкил дод.
