ДУШАНБЕ, 3 фев — Sputnik. Озмуни "Зеботарин шоҳмотбоз"-и АвруОсиё аз ҷониби портали chess.pw. гузаронида шуд.
Зебосанами тоҷик дар озмун бо гирифтани 653 овоз соҳиби мақоми сеюм гардид.
Мақоми аввал насиби Жансая Абдумалик шоҳмотбози қазоқ шуда, ҷойи дуюмро намояндаи Узбакистон Сарвиноз Қурбонбоева аз худ кард.
Айни ҳол Мутриба дар мусобиқаи байналмиллалӣ, ки дар Эрон баргузор мешавад, иштирок мекунад.
Мутриба Ҳотамӣ духтари шоҳмотбоззани маъруф Саодат Одинаева буда, чандин маротиба қаҳрамони Тоҷикистон ва дар Олимпиадаи байнулмилалии шоҳмот иштирок кардааст.
Ӯ соли 1997 дар Душанбе ба дунё омадааст. Рейтинги ҷориаш — 1762 (зинаи 4-ум миёни шоҳмотбоззанони Тоҷикистон).
Ёдовар мешавем, ки чанде қабл озмуни зеботарин шоҳмотбози ИДМ баргузор гардид.
Он замон намояндаи Узбакистон дар байни шоҳмотбозон тариқи овоздиҳӣ зеботарин интихоб гардида буд.
