ДУШАНБЕ, 26 янв — Sputnik. Имрӯз президенти ҶТ Эмомалӣ Раҳмон бо нахуствазири Ҷумҳурии Исломии Покистон сӯҳбати телефонӣ анҷом дода, масъалаҳои дуҷонибаро ҳаллу фасл кард, хабар медиҳад хадамоти матбуоти президенти ҶТ.
"Ҷонибҳо ба мувофиқа расиданд, ки бо мақсади идомаи муколамаи сатҳи олӣ дар ояндаи наздик мулоқоти дуҷониба анҷом медиҳанд",-омадааст дар иттилоия.
Бино ба иттилои хадамоти матбуоти президенти ҶТ дар рафти сӯҳбат, Эмомалӣ Раҳмон бо нахуствазири Покистон ҳолати кунунӣ ва дурнамои муносибатҳои дуҷониба миёни ду кишвари дӯстро мавриди баррасӣ қарор дода, атрофи масъалаҳои мубрами минтақавию байналмилалӣ мубодилаи афкор анҷом доданд.
Қайл мегардад, ки сӯҳбат дар фазои дӯстиву бародарӣ ва ҳусни тафоҳум сурат гирифт.
Дар хотимаи сӯҳбат президенти Ҷумҳурии Тоҷикистон Эмомалӣ Раҳмон ба сарвазири Покистон Муҳаммад Навоз Шариф сиҳатмандиву комгорӣ дар иҷрои рисолати ӯ баҳри рушду шукуфоии кишвари дӯст орзу намуд.
