ДУШАНБЕ, 9 янв — Sputnik. Омӯзиш моҳи апрели соли равон шурӯъ шуда, то моҳи декабри соли 2017 идома мекунад, хабар медиҳад сафорати ИМА дар Тоҷикистон.
"Барномаи мазкур чор семинари бисёрӯзаро доир ба тарзи дарсгузаронии забони англисӣ ҳамроҳ бо мутахассисони амрикоӣ аз моҳи апрел то декабри соли 2017 дар шаҳри Душанбе дар назар дорад",-омадааст дар иттилоия.
Дар рафти омӯзиш муаллимон сабки нави таълими забони англисиро аз худ карда, бо мутахассисон мавзӯъҳои мухталифи соҳавиро муҳокима мекунанд.
Довталабон бояд аз шумули муаллимони забони англисӣ дар мактабҳои ибтидоӣ, миёна ва донишгоҳҳо бошанд, ки хоҳиши мураббӣ будан ва мубодила кардани тачрибаи худро бо дигар муаллимони забони англисӣ доранд.
Хоҳишмандон барои мусоҳиба даъват карда мешаванд.
Дархостро аз вебсайти (http:goo.gl/Cqkzgo) метавон дастрас намуд. Мӯҳлати охирони қабули дархост 10 феврали соли 2017 мебошад.
