ДУШАНБЕ, 28 дек — Sputnik. Русия мехоҳад аз фурудгоҳи ҳарбии "Айнӣ", ки дар 15 км ғарбтар аз Душанбе ҷойгир шудааст, истифода барад.
Русия ва Тоҷикистон созишномаи истифодаи якҷояи фурудгоҳи ҳарбии "Айни"-ро омода намуда истодаанд, ҷониби Русия мехоҳад ин ҳуҷҷат ба имзо расад, хабар дод сафири Русия дар Тоҷикистон Игор Лякин-Фролов.
"Русия манфиатдори ба имзо расидани созишномаи истифодаи муштараки фуругоҳи "Айнӣ" мебошад, ҳоло ин масъаларо ҷонибҳо дида мебароянд",- гуфт ӯ дар нишасти матбуотӣ.
Ба гуфтаи вай фурудгоҳи мазкур ҷазъи муҳими гурӯҳи авиатсионии пойгоҳи низомии 201-ум дар Тоҷикистон ба ҳисоб меравад.
"Ҳоло дар фурудгоҳ чор чархболи Ми-24 мустақар шудаанд ва ин объекти ҳарбӣ барои тақвият бахшидани қувваҳои ҳавоии пойгоҳи низомии 201-уми Русия муҳим мебошад",- гуфт сафир.
Фурудгоҳи "Айнӣ" соли 2007 аз ҷониби мутахассисони ҳиндӣ барқарор карда шуда буд. Ҳиндустон барои азнавсозии фурудгоҳ Делӣ 70 миллион доллар маблағгузорӣ кардааст. Имрӯз фурудгоҳ имконият дорад, ки тамоми намудҳои ҳавопаймоҳои ҳарбиро қабул кунад.
То имрӯз пилотони ҳарбии Русия аз ин фурудгоҳ мувофиқи созишномаи дуҷониба истифода мебурданд.
