ДУШАНБЕ, 22 ноя — Sputnik.Мақомотҳои тафтишотии КТ ФР дар вилояти Тюмен сардори бахши ширкати ҶДММ "Горизонт"-ро дар сар задани сӯхтор, ки боиси марги 7 нафар муҳоҷир гардида, се нафари дигар бистарӣ шудаанд, гункаҳкор медонад.
Номбурда дар содир намудани ҷиноят тибқи моддаи 219 қисми 3 КҶ ФР (вайрон намудани қоидаҳои бехатарии сӯхтор аз тарафи шахсе, ки дар риоя намудани он ӯҳдадор аст ва ҳодиса боиси марги ду ва ё аз он зиёда шахс гардидааст) гунаҳкор дониста мешавад,- хабар медиҳад раёсати мақомоти тафтишотӣ.
"Мувофиқи маълумоти тафтишот айбдоршаванда вазифаи роҳбарии ҶДММ "Горизонт"-ро ба ӯҳда дошт ва аз ҳамин сабаб дар пешгирӣ намудани сӯхтор масъул ба ҳисоб мерафт. Аммо муносибати беаҳмиятии вай нисбати ӯҳдадориҳои худ, боис гарди, ки дар вагон асбобҳои барқии нодуруст истифода шаванд, ки дар пайи он сӯхтор сар зад",- омадааст дар хабар.
Ҳоло айбдоршаванда дастгир гардида, масъалаи ҳабси пешакии ӯ баррасӣ мешавад.
