ДУШАНБЕ, 21 ноя — Sputnik.Дар рейтинги тозаи ФИФА, ки санаи 24-уми ноябри соли 2016 пешниҳод мегардад, мунтахаби Тоҷикистон то 11 зина боло меравад ва дар ҷойи 129-ум қарор мегирад.
Мувофиқи маълумотҳои football-rankings.info шумораи холҳои мунтахабаи Тоҷикистон то 231 хол мерасад, ки ин нишондод нисбат ба моҳи гузашта ба 4 холзиёд аст. Ҳоло футболбозони тоҷик дар мақоми 140-ум қарор доранд.
Бояд қайд кард, ки Тоҷикистон соли 2013 дар ҷадвали ФИФ беҳтарин натиҷаҳои худро нишон дода буд- мақоми 113-ум. Соли 2012 бошад мунтахаби Тоҷикистон ба мақоми 168-ум ва пас аз соле,ба зинаи 180-ум фаромад.
