ДУШАНБЕ, 16 ноя — Sputnik. Охири ҳафта дар Тоҷикистон паст шудани ҳарорати ҳаво дар назар аст, хабар медиҳад хадамоти матбуоти Кумитаи ҳолатҳои фавқуллодаи ҶТ.
"Аз 19 то 26-уми ноябри соли 2016 дар ҷумҳурӣ якбора паст шудани ҳарорати ҳаво бориши барф пешгӯӣ карда мешавад. Дар минтақаҳои кӯҳӣ боришоти зиёди барфу жола дар назар аст",-омадаст дар иттилоия.
Дар робита бо ин канда шудани хати барқ ва зиёд шудани садамаи нақлиётӣ аз эҳтимол дур нест.
"Кумитаи ҳолатҳои фавқулода дар иртибот ба ин аз сокинон даъват кардааст, ки дар ин рӯзҳо ҳаракатро тавассути роҳҳои куҳӣ маҳдуд сохта, аз кӯчаву гузаргоҳҳо бо эҳтиёт ҳаракат намоянд ва ба хати интиқоли нерӯи барқ бештар диққат диҳанд",-ҳушдор медиҳад кумита.
Ҳамчунин намояндагони Кумитаи ҳолатҳои фавқуллода аз шаҳрвандон даъват ба амал меорад, ки зимни канда шудани ноқилҳои барқ даррав ба маъмурияти нуқтаи аҳолинишин хабар диҳанд.
