ДУШАНБЕ, 31 окт — Sputnik. Раисҷумҳури Қазоқистон Нурсултон Назарбоев қарор "Дар бораи тадқиқи шартномаи ҳамкориҳои Ҷумҳурии Тоҷикистон ва Қазоқистон"-ро ба имзо расонид.
Мақсади шартномае, ки 14-уми сентябри соли 2015 дар шаҳри Душанбе имзо гардидааст, муносибатҳои кишварҳоро бо сатҳи ҳамкориҳои стратегӣ баробар намудан, мебошад, хабар медиҳад РИА Новости бо истинод ба хадамоти матбуоти раисҷумҳури ҶҚ.
Тибқи ҳуҷҷат муколамаи дипломатии ду кишвар, ҳамкориҳои тарафайн дар масъалаҳои муносибатҳои дуҷониба ва мушкилиҳои мубрами байналмиллалӣ такмил бахшида мешавад
Мувофиқи хулосаҳои кумитаи палатаи болоии парлумон оид ба муносибатҳои байналмиллалӣ, мудофиа ва амният тарафайн ӯҳдадориҳои истифода накардан аз зӯроварӣ ва ё таҳдидро тасдиқ мекунанд, бо мақсади таҳкими сулҳ ва амният ҳамкорӣ намуда, якҷоя бо хатарҳоим байналмиллалӣ мубориза мебаранд.
Мувофиқи шартнома кишварҳо дар соҳаҳои ҳарбӣ, ҳарбӣ-техникӣ, савдо, соҳаҳои иқтисодӣ, фарҳангӣ ва гуманитарӣ муносибатҳои худро тақвият медиҳанд.
