ДУШАНБЕ, 24 окт — Sputnik. Бо иттиҳоми убури ғайриқонунии сарҳади Федератсияи Русия шаҳрванди Узбакистон аз ҷониби додгоҳи вилояти Омск шаш моҳ аз озодӣ маҳрум карда шуд, хабар медиҳад прокуратураи маҳаллӣ.
"Додгоҳи вилояти Омски ФР Зайнаб Раҳмоноваи 50 сола-ро ба шаш моҳи маҳрумият аз озодӣ бо бурдани ҷазо дар калонаи низомаш умумӣ маҳкум кард",-омадааст дар хабарнома.
Шаҳрванди Узбакистонро аз рӯи моддаи "убури ғайриқонунии сарҳади Федератсияи Русия" гунаҳкор шумурданд.
Мувофиқи маълумот, санаи 22-июли соли 2016 корманди Хадамоти сарҳадбонии ФР Зайнабро дар бораи надоштани иҷозаи вуруд (10 сол) ба ҳудуди ФР хабардор карда буд. Вале Раҳмонова баъди чанде аз Узбакистон ба таври ғайриқонунӣ ба қаламрави ФР дохил шудааст.
"Барои ворид шудан ба қаламрави ФР ӯ ба миёнаравон ба қадри 1200 доллари амрикоӣ пул додааст. Онҳо ӯро тариқи Қазоқистон ба Русия дохил кардаанд",-хабар доданд дар прокуратура.
Ҳамин тавр, 19 августи соли 2016 аз ҷониби додгоҳи вилояти Омски Федератсияи Русия Зайнаб Раҳмонова ба шаш моҳи маҳрумият аз озодӣ маҳкум карда шуд. "Шаҳрванди Узбакистон ба гуноҳи худ пурра иқрор шуд",-илова карданд дар прокуратура.
