ДУШАНБЕ, 19 окт — Sputnik. Тоҷикистон ба интихоботи президентии Молдова нозири худро равон мекунад, гуфт роҳбари раиси Комиссияи марказии интихобот ва раъйпурсии Ҷумҳурии Тоҷикистон Абдуманнон Додозода.
" Юсуфбек Шодмонбеков, узви комиссияи интихобот ва раъйпурсии ҶТ дар ҳайъати ИДМ рафти интихоботи президентии Молдоваро назорат мекунад",- гуфт Додозода.
Интихоботи президентӣ дар Молдова ба санаи 30-уми октябр муайян карда шудааст. Ин аввалин интихоботи умумихалқии президентӣ аз соли 1996- ум мебошад. Соли 2000-ум интихоботи президентӣ дар парлумон дар асоси овоздиҳии аз панҷ се ҳиссаи вакилон баргузор гардид.
Аммо, санаи 4-уми март Суди конститутсионии Молдова тағиёроти конститутсионии ҷумҳуриро бекор кард, ки санаи 5-уми июли соли 2000-ум ворид гардида буд. Акнун интихобот чун пештара ба васитаи овоздиҳии умумихалқӣ баргузор мешавад. Комисияи маркази интихоботии Молдова расман 12 номзадҳоро ба вазифаи президентӣ тасдиқ кардааст.
