ДУШАНБЕ, 7 окт — Sputnik. Дар шаҳри Тошканд маросими ифтитоҳи масҷиди "Ислом-ота", ки ба хотири Ислом Каримов тағийри ном карда шудааст, баргузор гардид, хабар медиҳад Sputnik Узбекистан.
Маросими ифтитоҳ дар фазои идона баргузор шуд- мизҳои чорабиниро дастаҳои гули садбарг ва сабади мева оро медоданд. Ба меҳмонон хӯроки миллии оши палав ва самбӯса пешниҳод намуданд.
Пештар хабар дода шуда буд, ки дар Ӯзбакистонро масҷидро бо номи президенти марҳум номгузорӣ мекунанд.
"Бо пешниҳоди уламо ва оммаи васеъ қарор қабул гардид, ки ба хотири аввалин перзиденти Ӯзбакистон масҷид ба номи Ислом-ота тағир ном карда шавад",- менависад духтари президент Лола Каримова- Тиллоева.
Президенти аввалини Ӯзбакистон Ислом Каримов санаи 2-уми сентябр дар синни 78-солагӣ аз олам даргузашт. Ӯро дар зодгоҳаш дар шаҳри Самарқанд ба хок супориданд.
