ДУШАНБЕ, 19 сен — Sputnik. Хабар дар бораи он, ки 40 шаҳрвандони Тоҷикистон ғайриқонунӣ ба Қирғизистон ворид шуда, дар бораи ҳуқуқи коркарди захираҳои табиӣ даъво кардаанд, асос надорад, иттилоъ медиҳад Sputnik Қирғизистон бо такя ба хадамоти матбуоти Мақомоти сарҳадбонии ҶҚ.
Мувофиқи маълумоти мақомот вазъият дар қисми сарҳадии ҳарду кишвар ором аст. Вале мақомоти сарҳадбонӣ хабар медиҳад, ки рӯзи 18 сентябр соати 23.50 шаш нафар шахсони номаълум ба сарҳади шартии Кок-Тоши ноҳияи Баткент ҳозир шуда, пойгоҳи бетониро, ки аз ҷониби мардуми маҳаллӣ гузошта шудааст, вайрон кардаанд.
Баъди чанде ба ҷои ҳодиса мақомотҳои ҳифзи ҳуқуқи Қирғизистон ва Тоҷикистон ҳозир шуданд. Азбаски ин қисмати сарҳади давлатӣ мувофиқ карда нашудааст, ҷонибҳо қарор доданд, ки тибқи шартномаи дуҷониба ин мавзеъро мувофиқи низоми пештара муҳофизат мекунанд.
То субҳи рӯзи 19 сентябр пойгоҳи бетонӣ барқарор карда шуд.
