ДУШАНБЕ, 12 авг — Sputnik. Варзишгари тоҷик Муҳаммадмурод Абдураҳмонов натавонист, ки дар мусобиқаи дзюдо ба давари 1/8 ниҳоӣ роҳхат гирад. Дар вазни беш аз 100 кг Абдураҳмонов аз рақиби кубагиаш Алексу Гарсиа Мендосе шикаст хӯрд.
Пештар хабар дода шуда буд, ки Комроншоҳи Устопириён низ дар мусобиқаи дзюдо дар вазни 90 кг ба давраи 1/8 ниҳоӣ роҳ ёфта натавониста, бозиро таркардааст. Анвар Юнусов ҳам дар бозии муштзанӣ ба нокомӣ дучор гардида буд.
Олим Қурбонов, ки дар шиноварӣ дар масофаи 50 метр иштирок карда, дар дақиқаи 25, 77 сония 62-умин шуда ба марра расид. Мутаассифона натиҷаи бадастовардааш ба вай имконият надод, ки дар давраи нимниҳоӣ ширкат варзад.
