ДУШАНБЕ, 4 авг — Sputnik. Вазирони умури хориҷии панҷ кишвари Осиё дар Вашингтон бо котиби давлатии ИМА Ҷон Керрӣ вохӯрданд, иттилоъ медиҳад хадамоти матбуоти ВКХ Узбакистон.
"Вазирони вазоратҳои корҳои хориҷии Қазоқистон Ерлан Идрисов Қирғизистон Эрлан Абдилдаев, Тоҷикистон Сироҷиддин Аслов, Туркманистон Рашид Мередов, Узбакистон Абдулазиз Камилов ва котиби давлатии ИМА Ҷон Керри масъалаҳои рушди иқтисод, амният ва ҳифзи муҳити зистро баррасӣ намуданд",-омадааст дар иттилоия.
Дар доираи С5+1ҳамчунин вохӯрӣ бо намояндагони тиҷоратии Амрико ва сармоягузорони хусусӣ, ки ба бозори мамолики Осиёи Марказӣ таваҷҷӯҳ доранд, доир гардид.
Моҳи ноябри соли 2015 Ҷон Керрӣ ва роҳбарони вазоратҳои хориҷии Қирғизистон, Туркманистон, Қазоқистон, Тоҷикистон ва Узбакистон дар Самарқанд оиди ташкили ҳамкорӣ дар шакли С5+1 бо мақсади ҳаллу фасли масъалаҳои ҳалталаби минтақа ба мувофиқа расиданд.
Қаблан муовини котиби давлатии ИМА оид ба Осиёи Марказӣ Дэниел Розенблюм ба рӯзноманигорон иброз дошт, ки Иёлоти Муттаҳидаи Амрико мехоҳад дар доираи вохӯрии С5+1 дар Вашингтон панҷ лоиҳаи ҷадидро ба имзо расонад.
