ДУШАНБЕ, 8 июн — Sputnik. Истифодаи "шпаргалка" аз ин ва баъд дар Чин бо ҳафт соли маҳрумият аз озодӣ ҷазо дода мешавад, иттилоъ медиҳад Sputnik Қирғизистон бо такя ба оҷонсии иттилоотии Синхуа.
Рӯзи сешанбе дар Чин имтиҳонсупории довталабон барои дохил шудан ба макотиби олии кишвар оғоз гардид.
Имсол барои довталабон хеле сангин хоҳад буд, чунки меъёрҳои бисёр ҷиддӣ: барои истифодаи "шпаргалка" ҷазои сангин то ҳафт соли маҳрумият аз озодӣ пешбинӣ шудааст, хабар медиҳад оҷонсӣ.
Чунин меъёрҳо бо мақсади аз байн бурдани истифодаи маводҳои махсуси рӯбардории "шпаргалка" аз ҷониби довталабон пешбинӣ шудаанд.
Мувофиқи маълумоти вазорати маорифи Ҷумҳурии мардумии Чин дар супоридани имтиҳоноти давлатӣ барои дохил шудан ба макотиби олӣ 9,42 миллион хатмкунанда иштирок мекунанд. Вобаста аз вилоятҳои кишвар имтиҳонҳо 2-3 рӯз давом хоҳанд кард.
