ВКД: кашфу мусодираи беш аз 70 кило нашъа дар ду рӯз

© Предоставлено Хушнудом РахматуллаевымМаводи мухаддир. Акс аз бойгонӣ
Маводи мухаддир. Акс аз бойгонӣ - Sputnik Тоҷикистон
Обуна шудан
Аснои баргузории амалиёти вижаи ҷустуҷӯии кормандони мақомоти ҳифзи ҳуқуқ аз замини гандумзори ин шаҳрванд беш аз 50 кило ҳашиш дарёфт ва мусодира карда шуд.

ДУШАНБЕ, 13 май — Sputnik. Тайи ду рӯзи охир кормандони милитсия дар ноҳияи Панҷи вилояти Хатлон ва шаҳри Хуҷанди вилояти Суғд бештар аз 70 кило маводи мухаддир мусодира намудаанд, иттилоъ медиҳад дафтари матбуотии ВКД ҶТ.

Ҳангоми баргузории чорабиниҳои фаврӣ-ҷустуҷӯӣ аз ҷониби кормандони милитсия марди 37-солаи сокини ноҳияи Панҷ бо гумони ғайриқонунӣ нигоҳ доштани маводи нашъадор дастгир шудааст.

Маводи мухаддир. Акс аз бойгонӣ - Sputnik Тоҷикистон
Дар рӯзҳои истироҳат се ҷинояти марбут ба қочоқи нашъа ошкор шуд

"Аснои кофтукоб ва ҷустуҷӯ аз заминҳои кишти гандуми наздиҳавлигии ӯ 50 килою 650 грамм маводи мухаддири ҳашиш дарёфт ва мусодира карда шуд",- менависад манбаъ.

Ба ҳамин монанд, як рӯз баъд  кормандони ШВКД дар шаҳри Хуҷанд марди 40-соларо, ки сокини ноҳияи Зафарободи вилояти Суғд будааст, чун гумонбар дар муомилоти ғайриқонунии маводи мухаддир дастгир намуданд.

Манбаъ мегӯяд, кормандони фаврӣ аз ӯ 20 килою 137 грамм маводи нашъадори ҳашиш кашф ва мусодира кардаанд. Аз рӯи ин ду ҳодиса ҳоло парвандаҳои ҷиноятӣ оғоз шудаву тафтишот идома дорад.

Лентаи хабарҳо
0