АУ дар Душанбе “Рӯзи илм”-ро таҷлил мекунад

© Sputnik / Игорь ЛекаркинБинои АУ ҶТ. Акс аз бойгонӣ
Бинои АУ ҶТ. Акс аз бойгонӣ - Sputnik Тоҷикистон
Обуна шудан
Маҷлисро бо сухани табрикотӣ президенти АИ ҶТ, академик Фарҳод Раҳимӣ бахшида ба “Рӯзи илм” оғоз мекунад.

ДУШАНБЕ, 11 апр — Sputnik. Рӯзи 12 апрел дар толори Академияи улуми ҷумҳурии Тоҷикистон бахшида ба рӯзи касбии олимон "Рӯзи илм" маҷлиси ботантана сурат мепазирад.

Нашри нахустин асари илмии бостоншиносӣ бо забони тоҷикӣ

Ба иттилоъи дафтари матбуотии АУ ҶТ, дар  "Рӯзи илм" гузоштани гулчанбарҳо дар пояи нимпайкараҳои олимони барҷастаи тоҷик С.Айнӣ, Б.Ғафуров, С.Умаров ва М.Осимӣ дар назар буда, сипас дастовардҳои илмии муассисаҳои илмии фарҳангистон дар саҳни бинои Раёсати АУ ҶТ нишон дода мешавад.

Маҷлисро бо сухани табрикотӣ президенти АИ ҶТ, академик Фарҳод Раҳимӣ бахшида ба "Рӯзи илм" оғоз мекунад.

Зимнан, маросими супоридани дипломҳо ба олимоне, ки дар соли 2016 соҳиби ҷоизаҳои АУ ҶТ ба номи олимони барҷаста ва супоридани дипломҳо ба ректорони муассисаҳои таҳсилоти олии ҷумҳурӣ аз рӯи натиҷаи Олимпиадаи АУ ҶТ барои дарёфти "Ҷоми Академияи улум" доир мегардад.

Дар поёни ҳамоиш маърӯзаҳои илмии олимоне, ки ба ҷоизаҳои олимони барҷаста сарфароз гардида шудаанд, мавриди баррасӣ қарор дода мешавад.

Лентаи хабарҳо
0