ДУШАНБЕ, 9 мар — Sputnik. Ин нуктаро вазири корҳои хориҷии Тоҷикистон, Сироҷиддин Аслов аснои ширкат дар ҷаласаи СҲИ (Созмони Ҳамкории Иқтисодӣ) дар шаҳри Ҷакартаи Индонезия иброз доштааст.
Ба иттилоъи департаменти иттилоот ва таҳлили Вазорати корҳои хориҷӣ, 7-уми март Сироҷиддин Аслов, вазири корҳои хориҷӣ, дар пойтахти Индонезия — шаҳри Ҷакарта дар Саммити панҷуми фавқулодаи Созмони Ҳамкории Исломӣ (СҲИ) оид ба масъалаи Фаластин ва Қудси Шариф ширкат кардааст.
Оқои Аслов зимни суханрониаш аз талошҳои роҳбарияти Фаластин ва мардуми он барои ноилшавӣ ба эътирофи байналмилалӣ пуштибонӣ карда, ба азсаргирии музокироти сулҳҷӯёнаи тарафҳои низоъ дар ҷаҳорчӯби абзорҳои байналмилалӣ, ҷустуҷӯи ҳалли одилона ва устувори масъала даъват ба амал овардааст.
Дар поёни кори ҳамоиш эъломия ва қатъномаи Ҷакарта доир ба Фаластин ва Қудси Шариф қабул гардид.
