ДУШАНБЕ, 9 окт — Sputnik. Ду омӯзгор дар шаҳри Қуқанд, шарқи Узбакистон аз сӯи кормандони мақомоти ҳифзи ҳуқуқ ба иттиҳоми паҳни варақаҳои марбут ба "Давлати исломӣ" боздошт шуданд, — менависанд, расонаҳои ин кишвар бо истинод ба манобеашон дар ВКД-и Узбакистон.
Ба қавли ин манобеъ, гӯиё ҳангоми бозҷӯӣ аз ин ду омӯзгор матнҳое дарёфт шудааст, ки даъват ба сарнагуни ҳукумат мекунанд.
"Занҳоро дар пайи як занги телефонӣ ба Шуъбаи корҳои дохилии Қуқанд боздошт карданд ва ҳоло дар робита ба ин қазия чорабиниҳои тафтишотӣ идома дорад", — афзудааст, ӯ.
Ин бори аввал нест, ки дар макотиби Узбакистон нишонаҳои "Давлати исломӣ" зуҳур мекунанд.
Қуқанд яке аз шаҳрҳое мебошад, ки ба водии Фарғона шомил аст ва дар 25 километрӣ аз марзи Тоҷикистон ҷойгир мебошад.
Қаблан дар шаҳрҳои Норак ва Шаҳритӯси Тоҷикистон ҳам афроди номаълум парчами "Давлати исломӣ"-ро баланд карда буданд. Баъдан Додситонии кулли кишвар гуфт, ин амал кори дасти пайравони Ҳизби наҳзати исломии Тоҷикистон аст, ки ахиран террористӣ ва экстремистӣ эълон шуд.
