БМТ аз мӯътадилии қурби доллар ва уфти рублу ҷаҳиши евро хабар дод

© Sputnik / Амир ИсаевНуқтаи табодули арз дар Душанбе. Акс аз бойгонӣ
Нуқтаи табодули арз дар Душанбе. Акс аз бойгонӣ - Sputnik Тоҷикистон
Обуна шудан
Бонки милии Тоҷикистон (БМТ) бо нашри иттилоияе аз қурби аслии асъори хориҷӣ тайи ҳафтаи сипаришуда дар кишвар хабар дод. Тағйирёбии асъорро коршиносони БМТ ба поин рафтани қурби рубли русӣ рабт медиҳанд.

ДУШАНБЕ, 8 сен — Sputnik. Қурби бозории доллари амрикоӣ давоми ҳафтаи гузашта мӯътадил буда, арзиши миёнаи як доллар 6,79 — 6,80 сомониро ташкил медиҳад, менависад сомонаи БМТ.

Сомонӣ - Sputnik Тоҷикистон
БМТ: сомонӣ дар ду ҳафтаи ахир 2,1% арзиши худро аз даст дод

"5 сентябри соли равон қурби сомонӣ дар бозор каме коҳиш ёфта, қурби миёнаи хариду фурӯши доллари амрикоӣ 6,8333-6,8467 сомонӣ ба 1 долл. ИМА баробар шуд",- омадааст дар иттилоия.

Қурби миёнаи як доллари амрикоӣ ибтидои ҳафтаи гузашта дар бозори асъор баробар ба 6,79-6,80 сомонӣ буд. Ҳарчанд дар лавҳаи саррофиҳои Душанбе он 6,56-6,58 сомонӣ нишон дода шудааст. Сабаби ҷаҳиши қурби доллар дар Тоҷикистонро коршиносони БМТ ба идомаи поинравии арзиши рубл арзёбӣ кардаанд.

Тибқи иттилои ин ниҳод, арзиши 1 рубли русӣ то охири ҳафтаи гузашта баробар ба 0,0989-0,0998 сомонӣ буда, як евро 7,4311-7,4700 сомониро ташкил медод.

Лентаи хабарҳо
0