ДУШАНБЕ, 30 июл — Sputnik. Имрӯз раиси ҷумҳури Тоҷикистон Эмомалӣ Раҳмон дар Хоруғ дар маросими оғози сохтмони театри вилоятӣ ширкат кард, менависад АМИТ Ховар.
Бинои ҷадиди театр, ки фармоишгараш мудирияти сохтмони таъсисоти ҳукуматии дафтари раёсати ҷумҳурӣ мебошад, дорои 500 ҷойи нишаст хоҳад буд.
Зимни ошноӣ бо тарҳи ин театр Раҳмон ба сохтмончиён дастур дод, ки эҳдоси он дар тӯли се сол анҷом дода шавад. Вай ҳамчунин дастур дод, ки зимни эҳдоси ин театр вижагиҳои Театри ҷумҳуриявии миллӣ ба инобат гирифта шаванд.
Дар маҳалли сохтмон баъд аз гузоштани санги нахустин ва ироъаи нома ба наслҳои оянда бо намояндагони бахши фарҳанг сӯҳбат карда ба онҳо дастур дод, ки аз ҳоло ба таҳияи намоишномаи хубе барои ифтитоҳи ин маркази фарҳангӣ омодагӣ бигиранд.
