ДУШАНБЕ, 3 июн — Sputnik. Дар ҳоли ҳозир қариб 5 ҳазор ҷангиёни афғон ба марзи Тоҷикистон наздик шудаанд, иттилоъ медиҳад РИА Новости бо истинод ба хабари расонаҳо, ки аз афсари КДАМ нақли қавл кардаанд.
Ҷангиёни афғон, ки шуморашон 4-5 ҳазорро ташкил медиҳад, дар вулусвулиҳои Бадахшон ва Қундузи Афғонистон ҷамъ шудаанд, иброз доштааст манбаъ аз КДАМ, ки аз ифшои номаш худдорӣ мешавад.
Аммо таҳлилгари масоили Осиёи Марказӣ, сардабири маҷаллаи "Мушкилоти стратегияи миллӣ" ("Проблема натсионалной стратегии") Аждар Куртов мегӯяд, хатари воридшавии ҷангиён дар айни замон истисно аст.
"Хатари ҳамлаи ҷангиён ва ғасби қаламрави Тоҷикистон бо мақсади сарнагун кардани низоми ҳукумати феълӣ аслан вуҷуд надорад. Дурусттараш, хеле заиф аст",- гуфт Куртов аснои сӯҳбат бо радиои Sputnik.
Ба қавли ӯ, пас аз хориҷ шудани неруҳои ISAF (неруҳои байналмиллалии низомӣ) мухолифат миёни гурӯҳҳои ҷангӣ дар дохили Афғонистон ташаннуҷ меёбад.
