ДУШАНБЕ, 1 апр — Sputnik. Мисао Окава, пас аз як моҳи таҷлили 117-солагиаш дар Ҷопон кӯҳансолтарин сокини дунё, ки аз сӯи китоби рекордҳои Гиннес эътироф шудааст, рӯзи чаҳоршанбе аз олам даргузашт, иттилоъ медиҳад РИА Новости Украина бо истинод ба оҷонсии Киодо.
Окава, ки солҳои ахири умрашро дар хонаи пиронсолони шаҳри Осака сипарӣ мекард, рӯзи 5 март 117-солагиашро ҷашн гирифт. Ӯ он замон гуфт, ман худамро дарозумр ҳисоб намекунам.
Ин сокини Ҷопон 5 марти соли 1898 ба дунё омада, пас аз вафоти ҳамватанаш Дзироэмон Кимура (Jiroemon Kimura) дар соли 2013 унвони дарозумртарин сокини сайёраро соҳиб гардида, исмаш дар китоби рекордҳои ГИннес шомил шуд.
Окава соҳиби се фарзанд, чор набера ва шаш абера буда, солҳои ахир дар хонаи пиронсолони шаҳри Осака ба сар мебурд.
