ДУШАНБЕ, 12 мар — Sputnik. Корхонаи тавлид ва фурӯши хиштҳои пухтаи "Стройтехресурс"-и шаҳри Благовешенски вилояти Амур муҳоҷирони кории тоҷикро барои кор даъват мекунад, омадаст дар хабари намояндагии вазорати меҳнати ҶТ дар Русия, ки дар сомонааш мунташир шудааст.
"Дар мо феълан шаҳрвандони Тоҷикистон кор мекунанд, вале ба далели тавсеъаи фаъолияти корхона мо ҳадаф дорем аз ҷумлаи муҳоҷирони кории тоҷик нерӯи кории изофӣ ҷалб кунем", — зикр кард мудири кулли корхона Роман Яшенко.
Дар пайи дидор корманди намояндагӣ ва Яшенко қарордодеро дар бораи бо кор таъмини кардани шаҳрвандони Тоҷикистон дар ин корхона имзо карданд.
Ҳамчунин, бо хоҳиши ҷалби шаҳрвандони Тоҷикистон барои кор ширкати "СтройСервисРемонт" муроҷиат кард. Ин ширкат ба сохтмони биноҳои баландошёна дар қаламрави вилояти Амур машғул аст.
Ба гуфтаи раҳбари ширкат Федор Ҳоҷӣ-оғлу муҳоҷирони корӣ дар раванди кор бо давраҳои бозомӯзӣ фаро гирифта мешаванд.
