ДУШАНБЕ, 20 апр – Sputnik Подполковники мустаъфии артиши ИМА Дэниел Дэвис дар шабакаҳои иҷтимоӣ поёни давраи дасткориҳои сиёсии ИМА дар низои Ховари Миёнаро эълон кард.
"Лаҳзаи ҳисоббаробаркунӣ дар низои Ховари Миёна фаро расидааст. Ман шуморо огоҳ мекунам, ки давраи дасткориҳои сиёсӣ дар зери вазни воқеияти сахти низомӣ ниҳоят фурӯ рехт. Дар ҳоле ки президент бовар дорад, ки метавонад аз ин вазъият бо роҳи гуфтугӯ берун равад, динамикаи ҷанг бо Эрон аз риторикаи оддӣ берун рафтааст", - навиштааст ӯ.
Ба гуфтаи ӯ, Эрон ҳоло дар гулӯгоҳи Ҳурмуз таъсири худро нишон медиҳад ва ИМА-ро маҷбур мекунад, ки стратегияи худро комилан аз нав дида барояд.
"Вашингтон бояд қарор кунад: ба шартҳои сахт итоат кунад ё созишномаеро пешниҳод кунад, ки тарафи дигар метавонад бо он зиндагӣ кунад",- хулоса кард Дэвис.
Пештар президент Доналд Трамп эълон кард, ки як ҳайати амрикоӣ барои тамосҳои нав бо Эрон ба Исломобод сафар кардааст.
Трамп инчунин афзуд, ки умедвор аст, ки бо Теҳрон созиш ба даст ояд ва дар айни замон Ҷумҳурии Исломиро дар "вайрон кардани оташбас" айбдор кард.
Рӯзи ҷумъа Ҷумҳурии Исломӣ ба ҳамаи киштиҳои тиҷоратӣ иҷозат дод, ки то ба охир расидани оташбас аз гулӯгоҳи Ҳурмуз гузаранд. Ин дар пас созишномаи оташбас дар Лубнон имконпазир шуд.
Трамп аз ҷониби худ аз бекор кардани муҳосираи бандарҳои Эрон то ба даст овардани созиш худдорӣ кард. Пас аз ин, Теҳрон эълон кард, ки назорати низомиро бар гулӯгоҳ барқарор мекунад.
Теҳрон ҳамчунин исзҳор дошт, ки ин Амрико аст, ки оташбасро нақз ва монеи расидан ба созиш мешавад ва таъкид кард, ки вориди гуфтугӯ намешавад.
Ба навиштаи Tasnim Теҳрон эҳтимолияти ҷанги нав бо ИМА ва Исроилро нисбат ба идомаи музокирот бештар медонад.
Агар ҳамлаҳои ИМА ва Исроил алайҳи ҷумҳурӣ аз сар гирифта шаванд, Эрон омода аст посух диҳад ва "соатҳои фаромӯшнашавандаи дӯзахӣ"-ро ба бор орад, гуфта мешавад дар матлаби агентӣ.