ДУШАНБЕ, 10 апр - Sputnik. Генерали Сипоҳи Посдорони Инқилоби Исломӣ, Обин Алиризо, сарпарасти вазири дифоъ ва пуштибонии нерӯҳои мусаллаҳи Эрон, дар сӯҳбатҳои алоҳидаи телефонӣ бо вазирони дифои Покистон ва Тоҷикистон таҳаввулоти охирини марбут ба таҷовузҳои низомии Иёлоти Муттаҳида ва Исроил алайҳи Эрон, инчунин муносибатҳои дуҷониба ва ҳамоҳангиро баррасӣ кард.
Тавре сомонаи "ИқтисодНюз" Дар сӯҳбат бо генерал-лейтенант Эмомалӣ Собирзода, вазири дифои Тоҷикистон генерали эронӣ, аз мавқеъи сиёсӣ ва кумакҳои башардӯстонаи ҳукумати Тоҷикистон дар пуштибонӣ аз ҳукумат ва миллати Эрон изҳори сипос кард.
Ҳамзамон вазири дифои Эрон бо Хоҷа Осиф Муҳаммад, вазири дифоъи Покистон гуфтугӯ кард.
Вай дар суҳбат бо вазири дифои Покистон ба зарурати ҳамкории мутақобила барои эҷоди сулҳу суботи минтақавӣ ва нақши бештар ва ҳамоҳангӣ барои ноил шудан ба амнияти устувори минтақавӣ таъкид кард.
Дар ин сӯҳбати телефонӣ, вазири дифоъи Покистон, ба мардум ва ҳукумати Эрон изҳори ҳамдарӣ баён кард.
Вай устуворӣ ва муқовимати мардум ва нерӯҳои мусаллаҳи Эронро бузургтарин муқовимат дар таърих, манбаи ифтихор барои миллати исломӣ донист ва таъкид кард, ки ба густариши Исроил ва пешгирӣ аз нақшаҳои фитнаангез дар минтақа бояд муқовимат кард.